Trollenykjen Opp
Nordfjordeid - Sogn og Fjordane
Søndag 1. juli 2018
Resultat 2018
Ny deltakarrekord i konkurranseklassane på årets Trollenykjen Opp med 64 deltakarar! Strålande vær gjorde også at 85 mosjonistar tok turen. Takk til alle som deltok!
Årets vinnar vart Lars Åkernes Rimereit, Eidsdal IL, med tida 36:47. Beste dame vart som i fjor Karoline Holsen Kyte, Førde IL friidrett, med tida 39:36.
Tidene til dei 64 i konkurranseklassane ligg på resultatsida. (Lista inneheld alle historiske resultat tilbake til 2010, men kan filtrerast på klassar og årstal).
Det vart 4 nye klasserekordar i år:
M60-64: Magnar Solheim, Norddalsfjord I.L, 44:19
M65-69: Sivert Søvik, Lørenskog ski, 51:04
D14-15: Emilie Flo Stavik, Markane IL, 47:40
D35-39: Ingunn Hove, Førde, 44:13
Ein del bilete frå dagen er lagt ut i albumet.
Rekordtider
Beste tid på Trollenykjen Opp har Joel Dyrhovden, Samnanger IL, på 35:10 i 2011. Karoline Holsen Kyte, Førde IL Friidrett, har beste tid i kvinneklassa på 38:44 i 2017.
På resultatsida kan du søke i resultat tilbake til 2010.
SFE motbakkecup
Det er 4 løp i SFE motbakkecup 2018. Svinestranda Opp 23.juni, Trollenykjen Opp 1.juli, Vetenløpet 7.juli og Troda Opp 11.august.
Etter siste løpet blir det trekt ut pengepremiar blant alle konkurranseløparar og mosjonistar som har vore med på minst 3 av 4 løp, der sponsor er Sogn og Fjordane Energi. Alle som har vore med på minst 3 løp får også T-skjorte.
I hard motbakke opp mot "utsiktsvegkrysset" i Nordfjord
Motbakkeløpet Trollenykjen Opp på 4 km går frå flatene i sentrum og opp til Trollenykjen 898 m.o.h. Frå toppen kan du sjå til Hopland, Sandane, Hyen, Ålfoten, Davik, og Nordfjordeid. Løftar du blikket ser du innover fjella i Indre Nordfjord og nordover mot Sunnmørsalpane.
Sponsorar
